Denne dukka første gong opp i ein blogg hausten 2006:
Norge har att 10.000 mill. oljefat
og hentar nå opp 2,4 mill. dagleg (2006).
Kven styrer denne prosessen?
Og kvar fører den?
Lurer du på kven som regjerer vårt land,
pengar, fakta, eller kollektiv forstand?
Lurer du på kva vår framtid vil gje,
manna, middels eller borkebrød?
Jens den første, demoklokratiets konge.
med halv majoritet og veltrena tunge.
Han styrer vår velferd mellom val og vet,
så lenge vår olje gjev oss nok å et’.
Det vert meldt om feber i Goliatland,
der finn dei olje under havbotnens sand.
Men ta det med ro, Dr. Bjørnøy og Co,
it will last hundred days om den tappes som no.
S-råd for bønder og ferskmatimport,
Terje blant vener, må snart tenkje fort.
For når oljen tek slutt, går Valtra’n i stå.
Og framtidas matmil vert korte og få.
Erik, vår snille, globale nisse,
vil alltid på U-hjelpas mål måtte misse.
For Eriken skulka ein time matte
og vinn ei Lex Malthus riktig å fatte.
(Munnar vert dubla med jamn sekvens,
medan oljekaka har krympetendens.)
Signe ho Liv frå vårt fjordrike fylke
S-råd for folk som vil fly og flytte.
Ho smiler mot miken, men finn aldri ut,
how go to Tromsø når dieseln tek slutt.
Kristin kollosale kronetal kasserer,
snart pensjonsfondet pipa passerer.
Pengeministeren sin siste akk,
kom då verdensbørsen som bobla sprakk.
Statsråd og guru for sjel og kropp,
med fritidsmilliardar stiller opp.
Skal tru Trond tenkjer på kulturens kår,
når pungen vert tom frå haust til vår.
Oddemann Roger produserer som vill,
for gode kundar han vil vere snill.
Og når oljen om tjue år tek slutt,
blir han kriseminister, den gode gut.
Vår kommunedronning fekk valets hell,
no bergar ho åkrar, fjord og fjell.
Når oljekrana ein dag sluttar drype,
blir Aslaug regjeringas jostedalsrype.
I Bjarne Håkons første styreår
kvar nordmann femten nye naboar får.
Når oljeprisen til månering stig,
i flokkar dei til inkludering sig.
For Dag Terje er turistar snille,
som av natursyn skapar verdiar ville.
Derfor bør han fikse fabrikkar fort,
for postpetroleum til turisttransport.
Øystein, minister for vet og yrke,
baking av levebrød er ei din styrke.
Før olja er oppbrukt, bort’ og gått,
må du lær’ ongan å berg’ se’. Fort! Forstått?
Wonderboy Jonas, skarp som ei egg,
vil redde Norge frå vegg til vegg.
Men UD-komputeren kan gå i spinn,
når han ordet “oilless” i input finn.
Defensdama AG har med fly fått to kval.
Først om SV eller SD skal på flyet få val.
Den andre vil gje dei blågulraudgrøne grunn til å spy:
I 2030 treng vi traktor, ei fly.
Tru ikkje Dagfinn, Erna, Lars eller Siv,
kan betre oss sikre eit bensinfritt liv.
Dei vil dingle i same kortsynte grep,
frå marked og pengar, frå deg og meg.
Sårbarhets-Kåre på veggen kom,
men på økologi var økonomen tom.
Derfor missa han sin sjanse stor,
til å åtvare Norge mot tome bord.
Avisa vender ikkje kvar stein og brønn,
for børsen gjev aldri Cassandra løn.
Derfor snur den seg glatt frå fakta bort,
og skriv – Enorme mengder forventes opp.
Vår siste von låg hos akademia,
med forskning så fri i tankesmia.
Styrd av ideologi og pengekrav
vart “oilless thinking” aldri fag.
Loslaus susar Tellus rundt i ringen,
mange stig på, men av stig ingen.
Vår lagnad blir best om vi gjer som Noah,
og byggjer ein båt i venting på floa.
Etnisk vestlending 2006